Maakpanjama

Ti puogi yi ke yin cogi ti siti web po maakpanjama ki waani ti i yantiana

1. Nilo ń tia yaala bu paabu po cie wan puni yaala

Tiadŋanma po cie paabu
Malŋanma cie paamɔnma

2. Ki bimɔnga yen yugdi o mu, o naá ń mali

Mi yanfuoma ki ŋua kpedi ka
Biyanfodanga ba fidi ki cegli nikpelo

3. Kan puni lan gbeni, kan baa lan pugni

Yua n ki puuni kan baa paabu
A yaa luini a kan gandi
Mundo kuli ba kpe luodkuuma i

4. Ku baadiegu maama tie yua kuli ń taa o tangu ki tene; nuuyendu kan wodi yoma

Jama tuonli nua yua kuli i
Nuuyendu kan bobni tuobu

5. Nunyenbu ki diidi longu nni

A ya pia nunyenbu baba ŋan ŋanbi ki kubi bu
A ñima yaa dagdi wulma ŋan faadi

6. Dɔnli ciaga n togdi, o tɔgu yeni o maama ki togdi

Bonŋanli n togdi,bonbiigu ki togdi
Tin ŋɔdi ya yegnu n ŋani ki cedi u yeginbiuugu

7. Cuado kan jie fee ki nali kpabli

Daa sani fee ki baa kuuma nni
Miafagili kan luo gaapo

8. O pociamo ń piaa yaali, o yaabili kuni yeni lane

Paabu ki nundi
A yaa dɔa yeni yaali ŋan da beli

9. U Tienu ya ki kpa, bado kan kpa

U Tienu n jiagi ti buudi a bado wani sɔgindi i
O bado duu U Tienu ń bili ya yikodi po i ki jiagi ti buudi

10. O naakpaapieno kpaa i nee, o nan ki ñ u naaŋanma

Nanlgu ki ŋua jiema ka
Dinne ya mani saala n cie

11.  A ya ki puodi kpenu, ŋan da sugdi ñ ɔbo (kpendaagu)

A ya lugidi ki guli ki daa ŋuuni a bɔgli i nni ŋan daa maali ke a ya nuu n mani
A yaa guli sindiga ŋan da tabidi o tankpina po

12. A ya di gangaali po, ŋan da yi li tilonli

Yaali n kubi a miali ŋan da jelni yeni li
Bi kan fali ñanmuagu ku nuulu po

13. Bonyugdigu ki jendi ku liegu fiabu

A ya jaagi benli po ŋan da cuani
Denpiado ki nani

14. Ŋanma diegu kan puu tonma, ama kuni n nan ba juodi

Ŋanma tibu kan puuni tonma ama buni n pia a luanŋama
Ŋanma ki pia sundma

Vous pouvez télécharger les fichiers en PDF avec ces proverbes!